Облысымызда алғаш рет облыстық «Best cover Kostanay» cover-вокал байқауы өтті. Өнер бәйгесі Федоров ауданында бастау алып, «Жастар» мәдениет үйіне бақ сынамақ болған әншілер жиналды.
Аталмыш шараның мақсаты қазақ әндерін заманауи бағытта негізгі әуен, сөзін және авторлық құқықты бұзбай олардың шығармашылық белсенділігін жүзеге асыруға жағдай жасап, жаңаша түрде орындау болатын. Қазақ халық әндерін немесе Тобыл-Торғай сазгерлерінің әндерін кавер нұсқада орындап шыққан өнерпаздардың бастамалары сәтті болды. Байқаудың мақсаты шығармашыл, өнерлі, таланты жастарды анықтау, қолдау. Өз өлкемізден шыққан сазгер, ақын-жазушы тұлғаларды танып-білуге тәрбиелеу.
Байқау барысында дыбыс тазалығы, ковер Заманауи үлгідегі ырғақты, нақты орындау ерекшелігін, репертуардың күрделілігін, орындаушылық шеберлік деңгейін, әртістік қабілетін және сахна мәдениетін қазылар алқасы бағалады.
Қазылар алқасының құрамында:
Азамат Абдрахиев (Астана қаласы) – әнші, композитор;
Азамат Мұқатов (Қостанай қаласы) – Композиторлар одағының төрағасы;
Динара Жаңаберген (Астана қаласы) - әнші.
Кеш қорытындысы бойынша:
1 орын Тобылұлы Азат (Меңдіқара ауданы) 300 мың теңге сыйақы.
2 орын Әжібай Тасқын (Федоров ауданы) 200 мың теңге сыйақы.
3 орын Жалғас Бекзат (Тобыл қаласы), Абықан Серікболсын (Алтынсарин ауданы) 150 мың сыйақы.
Өзге өнерпаздар қатысқаны үшін ақшалай 50 мың теңге сыйақымен марапатталды.
Федоров аудандық әкімдігіне, аудандық мәдениет бөліміне және шараның өтуіне мұрындық болған барша азаматтарға алғысымыз шексіз.
Dala_FestKPIАйтысАуыл_тынысыАхмет_Байтұрсынұлы_–_150_жылДеген_екенДомбыра күніЕлге_сәлемЖеңімпаздарЖыр_маржанКездесулер_мен_презентацияларКонцертМарапаттауМәдени_мұраСаясатСағындырған_әуендерТарих_жебесіТеатр_әлеміндеТобыл-Торғай_әуендеріШығармашылық_кешҚазақтың_дәстүрлі_1000_күйіҚұттықтаймыз!Ән_–_көңілдің_ажары
