2023 жылғы 16 наурызда Лисаков қаласында Қостанай облысы әкімдігі мәдениет басқармасының және облыстық көркемөнерпаздардың халық шығармашылығы мен кинобейнеқор орталығының ұйымдастыруымен Наурыз мерекесі қарсаңында облысымыздың әншілері арасында «Сахналық жекпе-жек» әншілер байқауы өтіп, өз мәресіне жетті.
Байқаудың мақсаты: жергілікті композиторлардың әндерін дәріптеу; әншілердің орындаушылық шеберлігін арттыру; Қостанай облысының аға буын әншілерінің шығармашылық белсенділігін қолдау.
Алтынсарин, Амангелді, Науырзым, Федоров, Қамысты, Әулиекөл, Денисов және Меңдіқара аудандарынан, сондай-ақ Рудный, Арқалық және Лисаков қалаларынан 12 қатысушы жеребе бойынша орындаушылық шеберлікпен жарысты. Байқау үш кезең бойынша өтті.
Байқау қорытындысы бойынша:
1 орын Сәулет Мырзатаев, Науырзым ауданы;
2 орын Сапура Әлібекова, Федоров ауданы;
3 орын Жеңіс Жұмағалиев, Арқалық қаласы;
3 орын Әсел Тасмағанбетова, Рудный қаласы;
Қалибек Деріпсалдин атындағы арнайы жүлде Досбол Қашқымбаев, Қамысты ауданы.
Барлық қатысушылар қатысқаны үшін дипломдармен және ақшалай сыйлықтармен марапатталды.
Лисаков әкімшілігіне, мәдениет бөліміне, мәдениет үйі ұжымына, ел ағалары мен ақ жаулықты аналарымызға алғыс айтамыз.
Жеңісті де, жемісті күндеріміз көп болсын.
Dala_FestKPIАйтысАуыл_тынысыАхмет_Байтұрсынұлы_–_150_жылДеген_екенДомбыра күніЕлге_сәлемЖеңімпаздарЖыр_маржанКездесулер_мен_презентацияларКонцертМарапаттауМәдени_мұраСаясатСағындырған_әуендерТарих_жебесіТеатр_әлеміндеТобыл-Торғай_әуендеріШығармашылық_кешҚазақтың_дәстүрлі_1000_күйіҚұттықтаймыз!Ән_–_көңілдің_ажары
